2026-жылдын 25-сентябрында Бишкек шаарында Кыргыз Республикасынын Улуттук органикалык айыл чарба күнүнө арналган иш-чара болуп өттү.
2026-жылдын 25-сентябрында Бишкек шаарында Кыргыз Республикасынын Улуттук органикалык айыл чарба күнүнө арналган иш-чара болуп өттү.
Ассоциация DMSOP долбоорунун алкагында иш-чаранын уюштуруучуларынын бири катары катышты.
Конференциянын темасы: «Кыргызстандын органикасы — дүйнөлүк рынокко жол».
Иш-чарага мамлекеттик органдардын, эл аралык уюмдардын өкүлдөрү, фермерлер, кооперативдер, кайра иштетүүчүлөр, экспорттоочулар, илимий мекемелер, жаштар жана жарандык коомдун өкүлдөрү катышты.
Конференциянын алкагында төмөнкү маселелер талкууланды:
органикалык айыл чарбасын өнүктүрүү жана мамлекеттик саясат;
тоолуу жана токой продукцияларынын экспорттук потенциалы;
Кыргызстандын органикалык продукциясын эл аралык рынокторго чыгаруу мүмкүнчүлүктөрү;
сертификация жана кепилдик системаларынын маселелери;
органикалык айыл чарбасын климаттын өзгөрүшүнө адаптациялоо;
органикалык секторду өнүктүрүүнүн эл аралык тажрыйбасы.
Тоолуу жана токой продукцияларынын экспорттук потенциалына жана органикалык өндүрүштүн негизинде туруктуу бизнести калыптандырууга өзгөчө көңүл бурулду. Бул багыт DMSOP долбоорунун ишмердүүлүгү менен түздөн-түз байланыштуу.
Иш-чара тажрыйба алмашуу, практикалык чечимдерди талкуулоо жана Кыргызстандын органикалык айыл чарбасын 2026-2027-жылдарга мындан ары өнүктүрүү боюнча сунуштарды иштеп чыгуу үчүн маанилүү аянтча болуп берди.